"ПСЖ" клуби "Ал-Араби" билан ярим ҳимоячи Марко Верратти борасида келишувга эришди.
Журналист Санти Уна хабарига кўра, клублар ўртасида товон пули борасида тўлиқ келишувга эришилган. Аввалроқ "ПСЖ" италиялик футболчи учун 80 миллион еврога яқин талаб қилганди.
"Ал-Араби" яқин орада футболчининг ўзи билан шахсий шартнома шартларини келишиб олишига ишонч билдирмоқда. Эслатиб ўтамиз, аввалроқ Верратти "Ал-Аҳли" билан шартнома имзоламоқчи бўлган, у "ПСЖ" билан товон пули борасида келишувга эришмаган.
Верратти парижликлар бош мураббийи Луис Энрикенинг режаларига киритилмаган. "ПСЖ" 2012 йилдан бери жамоада тўп сураётган ярим ҳимоячини сотишга тайёр.
