"Барселона" бош мураббийи Хави Эрнандес янги Испания Ла Лигасининг дастлабки икки турида бирорта ҳам гол ура олмаган ҳужумчи Роберт Левандовскига ишонишда давом этмоқда.
Relevo нашри хабарига кўра, Левандовскининг шериклари ҳали ҳам польшалик ҳужумчини дунёнинг энг яхши ҳужумчиларидан бири деб билишади. Хави ҳам худди шундай фикрда. Эътиборли томони, ўтган мавсумни ҳисоблайдиган бўлсак, Левандовскининг чемпионатдаги голсиз серияси 4та ўйинни ташкил этади.
Ла Лиганинг янги мавсумининг дастлабки икки турида Левандовски бирорта ҳам гол урмаган бўлса-да, голли узатма билан ажралиб турди.
