"Barselona" bosh murabbiyi Xavi Ernandes yangi Ispaniya La Ligasining dastlabki ikki turida birorta ham gol ura olmagan hujumchi Robert Levandovskiga ishonishda davom etmoqda.
Relevo nashri xabariga ko‘ra, Levandovskining sheriklari hali ham polshalik hujumchini dunyoning eng yaxshi hujumchilaridan biri deb bilishadi. Xavi ham xuddi shunday fikrda. E’tiborli tomoni, o‘tgan mavsumni hisoblaydigan bo‘lsak, Levandovskining chempionatdagi golsiz seriyasi 4ta o‘yinni tashkil etadi.
La Liganing yangi mavsumining dastlabki ikki turida Levandovski birorta ham gol urmagan bo‘lsa-da, golli uzatma bilan ajralib turdi.
