АПЛнинг 3-турида “Манчестер Сити” сафарда “Шеффилд Юнайтед”ни 2:1 ҳисобида мағлуб этди.

37-дақиқада Эрлинг Холанд пенальтини амалга ошира олмади ва дарвоза устунини пойлади. 63-дақиқада "шаҳарликлар"нинг норвегиялик ҳужумчиси гол уришга муваффақ бўлди. 85-дақиқада мезбонлар ҳимоячиси Жейден Богл жавоб голини урди. Аммо 88-дақиқада ярим ҳимоячи Родри яна меҳмонларни олдинга олиб чиқди.

Пеп Гвардиола шогирдлари АПЛ мавсуми стартидаги учта ўйинда ҳам ғалаба қозонишди. Бунгача “Бёрнли” (3:0) ва “Ньюкасл” (1:0) устидан ғалаба қозонилган.

"Манчестер Сити" 9 очко билан АПЛ турнир жадвалида пешқадамлик қилмоқда. 3-тур натижаларига кўра, бошқа ҳеч ким максимал 9 балл тўплай олмайди.

"Шеффилд" очкосиз 17-ўринда бормоқда.

Шеффилд Юнайтед – Манчестер Сити 1:2 (0:0, 1:2)
27 август, 18.00, «Брэмелл Лэйн»
Голлар: 0:1 – 63 Холанд, 1:1 – 85 Богл, 1:2 – 88 Родри.
Шеффилд Юнайтед – Фодерингэм, Болдок (Богл, 71), Робинсон, Иган, Ахмедходжич, Осборн (Ларуси, 17), Норвуд (Башем, 80), Хамер, Винисиус, Траоре, Осула (Макберни, 71).
Манчестер Сити – Эдерсон, Уокер, Аке, Рубен Диаш, Гвардиол, Ковачич (Фоден, 86), Грилиш, Бернарду Силва, Родри, Холанд, Альварес.
Огоҳлантиришлар: Болдок (45), Осула (59), Винисиус (77), Иган (83).