APLning 3-turida “Manchester Siti” safarda “Sheffild Yunayted”ni 2:1 hisobida mag‘lub etdi.
37-daqiqada Erling Xoland penaltini amalga oshira olmadi va darvoza ustunini poyladi. 63-daqiqada "shaharliklar"ning norvegiyalik hujumchisi gol urishga muvaffaq bo‘ldi. 85-daqiqada mezbonlar himoyachisi Jeyden Bogl javob golini urdi. Ammo 88-daqiqada yarim himoyachi Rodri yana mehmonlarni oldinga olib chiqdi.
Pep Gvardiola shogirdlari APL mavsumi startidagi uchta o‘yinda ham g‘alaba qozonishdi. Bungacha “Byornli” (3:0) va “Nyukasl” (1:0) ustidan g‘alaba qozonilgan.
"Manchester Siti" 9 ochko bilan APL turnir jadvalida peshqadamlik qilmoqda. 3-tur natijalariga ko‘ra, boshqa hech kim maksimal 9 ball to‘play olmaydi.
"Sheffild" ochkosiz 17-o‘rinda bormoqda.
Sheffild Yunayted – Manchester Siti 1:2 (0:0, 1:2)
27 avgust, 18.00, «Bremell Leyn»
Gollar: 0:1 – 63 Xoland, 1:1 – 85 Bogl, 1:2 – 88 Rodri.
Sheffild Yunayted – Foderingem, Boldok (Bogl, 71), Robinson, Igan, Axmedxodjich, Osborn (Larusi, 17), Norvud (Bashem, 80), Xamer, Vinisius, Traore, Osula (Makberni, 71).
Manchester Siti – Ederson, Uoker, Ake, Ruben Diash, Gvardiol, Kovachich (Foden, 86), Grilish, Bernardu Silva, Rodri, Xoland, Alvares.
Ogohlantirishlar: Boldok (45), Osula (59), Vinisius (77), Igan (83).
