Аргентина терма жамоаси бош мураббийи Лионель Скалони ҳужумчи Лионель Мессининг "Интер Майами"даги ўйини ҳақида ўз фикрлари билан ўртоқлашди.
"Лео ҳозир мукаммал тартибда, мен унинг бахтли эканини кўряпман. Месси учун у ва унинг оиласи ўзларини қулай ҳис қилишлари муҳим. Месси жамоадошлари билан биргаликда ақл бовар қилмайдиган нарсаларни яратади. Лионель ҳали ҳам энг юқори даражадаги футболни кўрсатишга қодир", - деди Аргентина терма жамоаси бош мураббийи матбуот анжуманида.
Месси "Интер Майами"га текинга ўтди. 36 ёшли ҳужумчи 9 учрашувда қатнашиб, 11 та гол урди ва 3 та голли узатмани амалга оширди.
