Бугун ПСВ ва "Наполи" ўртасида вингер Ирвинг Лосанонинг трансфери бўйича музокараларнинг янги босқичи бўлиб ўтади, дея хабар беради журналист Николо Скириа.
Нидерландияликлар аллақачон ўз таклифларини беришган - 12 миллион евро. "Наполи" 28 ёшли мексикалик футболчини 18-20 миллионга баҳоламоқда.
Лосанонинг неаполликлар билан шартномаси 2024 йилнинг ёзига қадар амал қилади. Клуб уни 2019 йилда ПСВдан 45 миллион еврога сотиб олганди.
Қанот ҳужумчиси ўтган мавсумда 40 ўйинда 4 гол ва 4 голли узатмага муаллифлик қилган.