Bugun PSV va "Napoli" o‘rtasida vinger Irving Losanoning transferi bo‘yicha muzokaralarning yangi bosqichi bo‘lib o‘tadi, deya xabar beradi jurnalist Nikolo Skiria.
Niderlandiyaliklar allaqachon o‘z takliflarini berishgan - 12 million yevro. "Napoli" 28 yoshli meksikalik futbolchini 18-20 millionga baholamoqda.
Losanoning neapolliklar bilan shartnomasi 2024 yilning yoziga qadar amal qiladi. Klub uni 2019 yilda PSVdan 45 million yevroga sotib olgandi.
Qanot hujumchisi o‘tgan mavsumda 40 o‘yinda 4 gol va 4 golli uzatmaga mualliflik qilgan.