Роберто Манчини Саудия Арабистони терма жамоаси билан 2026 йилгача шартнома имзолади, турли манбаларга кўра, у йилига 25-30 миллион евро маош олади.
Робертонинг даромадини бошқа терма жамоа мураббийлари билан солиштириш бефойда. Чунки миллий терма жамоаларда энг кўп маошни Германия мураббийи Ханс Дитер-Флик олади. У немислар бошқарувида йилига 6,5 миллион ишлаб олади. Бу Манчинининг Саудиядаги маошидан 4,5 баробар кам.
Келинг, Манчини янада рақобат муҳитига қўйиб, клуб мураббийлари билан маошлар рўйхатини таққослаб кўрамиз.
• Манчини 2018 йилда Италияни йилига 2 миллион евро эвазига бошқариш бўйича шартнома имзолаган, у ўша вақтдаги Россия термаси мураббийи Станислав Черчесовдан ҳам кам эди. 2021 йилда, Еврони ютганидан сўнг, Робертонинг маоши кўпайди - энди у йилига 3 миллион евро ишлаб олар эди.
• Марчело Липпи Хитойда 20 миллион евро ишлаб олар эди (Sky Sports маълумотларига кўра). Терма жамоаларда яна бир катта маош ишлаб олган мураббий Фабио Капелло - у Россияда йилига 7 миллион евро ишлар эди.
• Стивен Жеррард рўйхатга яна бир янги келган мураббий ҳисобланади. "Астон Вилла"да "Ливерпуль"нинг собиқ сардори йилига 5 миллион фунт ишлаб топарди, "Ал-Иттифоқ"га ўтиш унинг олдинги даромадини уч баробарга оширди ва 15 миллион фунтга етказди.
