Roberto Manchini Saudiya Arabistoni terma jamoasi bilan 2026 yilgacha shartnoma imzoladi, turli manbalarga ko‘ra, u yiliga 25-30 million yevro maosh oladi.
Robertoning daromadini boshqa terma jamoa murabbiylari bilan solishtirish befoyda. Chunki milliy terma jamoalarda eng ko‘p maoshni Germaniya murabbiyi Xans Diter-Flik oladi. U nemislar boshqaruvida yiliga 6,5 million ishlab oladi. Bu Manchinining Saudiyadagi maoshidan 4,5 barobar kam.
Keling, Manchini yanada raqobat muhitiga qo‘yib, klub murabbiylari bilan maoshlar ro‘yxatini taqqoslab ko‘ramiz.
• Manchini 2018 yilda Italiyani yiliga 2 million yevro evaziga boshqarish bo‘yicha shartnoma imzolagan, u o‘sha vaqtdagi Rossiya termasi murabbiyi Stanislav Cherchesovdan ham kam edi. 2021 yilda, Yevroni yutganidan so‘ng, Robertoning maoshi ko‘paydi - endi u yiliga 3 million yevro ishlab olar edi.
• Marchelo Lippi Xitoyda 20 million yevro ishlab olar edi (Sky Sports ma’lumotlariga ko‘ra). Terma jamoalarda yana bir katta maosh ishlab olgan murabbiy Fabio Kapello - u Rossiyada yiliga 7 million yevro ishlar edi.
• Stiven Jerrard ro‘yxatga yana bir yangi kelgan murabbiy hisoblanadi. "Aston Villa"da "Liverpul"ning sobiq sardori yiliga 5 million funt ishlab topardi, "Al-Ittifoq"ga o‘tish uning oldingi daromadini uch barobarga oshirdi va 15 million funtga yetkazdi.