“Манчестер Сити” ҳужумчиси Эрлинг Холанд нуфузли индивидуал мукофот билан тақдирланди.
23 ёшли футболчи Профессионал футболчилар ассоциацияси (PFA) томонидан Англияда йилнинг энг яхши футболчиси деб топилди. Норвегиялик футболчи Премьер-лиганинг сўнгги мавсумида 35 та ўйинда 36 та гол уриб, энг яхши тўпурар бўлди, шунингдек, "шаҳарликлар"га Премьер-лига, Англия кубоги ва Чемпионлар лигасини ютишда ёрдам берди. Премьер-лиганинг янги мавсумида ҳужумчи учта учрашувда учта гол уришга муваффақ бўлди.
Эслатиб ўтамиз, ўтган мавсум Эрлинг Холанднинг Англиядаги дебюти эди. 2022 йилнинг ёзида у Дортмунднинг "Боруссия"сидан "Манчестер Сити"га ўтган эди.
