"Барселона" марказий ҳимоячиси Эрик Гарсия Испания Ла Лигаси клубларидан бирининг нишонига тушди.
Журналист Фабрицио Романонинг хабарига кўра, "кўк-анорранглилар" ҳимоячиси билан "Жирона" шартнома имзолашга тайёр.
Шу билан бирга, манбанинг хабар беришича, “Барселона” бош мураббийи Хави Эрнандес Эрикнинг кетишига ҳозирча тўсқинлик қилмоқда, чунки у футболчини жамоада олиб қолмоқчи. Гарсиянинг ўзи ҳам аввалроқ "Барселона"ни тарк этишни истамаганди. Испаниялик футболчи асосий таркибдан жой учун курашни давом эттириш ниятида.
Эслатиб ўтамиз, Гарсия ҳимоя марказидан ташқари таянч ярим ҳимоя зонасида ҳам ўйнай олади.
