"Барселона" ҳужумчиси Ансу Фати фаолиятини Англия Премьер-лигасида давом эттириши мумкин.
Инсайдер Фабрицио Романонинг сўзларига кўра, "Тоттенхэм" "Барселона" билан эҳтимолий шартнома борасида музокараларни бошлаган. "Барселона" бош мураббийи Хави Эрнандес Фатининг кетишига яшил чироқ ёқди, бироқ у ижарада бўлиши ва футболчи келаси ёзда қайтиши шарти билан.
Хабар қилинишича, "Барселона"нинг шарти - Фатининг маошининг 100 фоизини "Тоттенхэм" ижара муддати давомида тўлаши керак.
Фати "Барселона"нинг энг кўп маош олувчи футболчиларидан бири бўлиб, унинг маоши йилига камида 10 миллион еврони ташкил қилади. "Барселона" 20 ёшли футболчи билан 2027 йилгача мўлжалланган узоқ муддатли шартнома имзолади.
