Ҳимоячи Саба Сазонов Москванинг "Динамо" жамоасидан Италиянинг "Торино" клубига ўтишни якунлади.
Ижтимоий тармоқларда қисқача видеолавҳа пайдо бўлди, унда грузиялик футболчини А Серия клуби либосида кўриш мумкин. Айни вақтда Сазонов "буқалар" сафида тиббий кўрикдан ўтмоқда.
Аввалроқ, Сазоновнинг трансфери учун "Динамо" "Торино"дан 2,5 миллион евро олиши хабар қилинганди. Яна 250 минг еврони Москва клуби бонус тўловлари сифатида ишлаб олиши мумкин.
Италия чемпионатининг икки бошланғич турида “Торино” битта очкони қўлга киритишга муваффақ бўлди. Жамоа навбатдаги ўйинни 3 сентябрь, якшанба куни ўз майдонида “Женоа”га қарши ўтказади.
