Мадриднинг “Атлетико” клуби ярим ҳимоячиси Янник Карраско “Аш-Шабаб” билан келишувга эришди.
Инсайдер Санти Унанинг сўзларига кўра, бельгиялик футболчи Саудия Арабистонига кўчиб ўтишга тайёр, бироқ аввало “Атлетико” қониқарли миқдорда товон пули олиши керак.
Манбанинг хабар беришича, яқин орада Каррасконинг агенти Пини Захави бельгиялик футболчининг трансфери бўйича расмий таклиф билан "матрасчилар"га тақдим этади. Янник унинг трансфери трансфер ойнаси тугагунига қадар келишиб олинишига умид қилмоқда.
Эслатиб ўтамиз, Карраскога аввалроқ "Барселона" қизиқиш билдирганди, аммо "кўк-анорранглилар" бу трансфердан бош тортган эди. 29 ёшли бельгиялик футболчининг "Атлетико" билан шартномаси жорий мавсум охирида якунига етади.
