Олий лигада қолиш вазифасини бажарган "Қизилқум" 24 декабрь куни Зарафшонда янги мавсумга тайёргарликни бошлайди. 2012 йилги мавсумга ҳаммадан кеч тайёргарлик кўришни бошлаганлигимиз учун мавсум биз учун оғир ўтди. Энди ҳаммаси бошқача бўлиши кутилаяпти. Равшан Акмалович жамоа мураббийлар штабида қоладиган бўлди. Бу эса жамоа футболчиларини қувонтирмай қолмади.

"Янги йилдан, янги жамоа тузиш истагидамиз. Жорий мавсум жамоамиз шарафини ҳимоя қилган футболчиларнинг барига ташаккур. "Қизилқум"ни қийин вазиятдан олиб чиқиб кета олдилар. Олий лига-2013да олдимизга яна элитада қолиш вазифасини қўйсак уят бўлади. Шундай экан, захира ўриндиғини узайтириш ва сафимизга 3-4 нафар яхши футболчиларни қўшиб олишимиз керак. Шунингдек, тажрибали, аммо легионер талабига тўлиқ жавоб бера оладиган футболчи бўлса яхши бўлар эди. Қолаеврса ўринбосарларимиз сафида мавсумни яхши ўтказган ёшларимиз ҳам йўқ эмас", - дейди Равшан Ҳайдаров клубнинг расмий сайтига берган интервьюсида.