"Фиорентина" Софьян Амрабатни "Манчестер Юнайтед"га қўйиб юборишдан бош тортди.

Олдинроқ инглиз клуби футболчини ижарага олмоқчилиги маълум бўлганди, чунки молиявий фейр-плей ҳолати туфайли тўлиқ трансферни амалга ошириш мумкин эмас.

The Athletic хабарига кўра, "Юнайтед" ярим ҳимоячини 2 миллион еврога ижарага бериш таклифи билан чиққан, бироқ рад жавобини олган. “Фиорентина” бу таклифни рад этди, чунки 1 миллион евро тўлов кафолатланмаган.

Италия клуби Амрабатни тўлақонли трансфер сифатида қўйиб юборишни афзал кўрмоқда, бироқ сотиб олиш имконияти билан ижарага беришни ҳам кўриб чиқишга тайёр. Флоренсияликлар таянч футболчисини 35 миллион еврога баҳоламоқда.

Софьян ўтган мавсум А Серияда 29 та ўйин ўтказиб, 11 та сариқ карточка олган.