"Челси" бош мураббийи Маурисио Почеттино Лига кубоги баҳсидаги ғалабадан сўнг журналистлар саволларига жавоб берди.
“Кўклар” Лига 2 (тўртинчи дивизион) жамоасини 2:1 ҳисобида мағлуб этиб, мусобақанинг учинчи босқичига йўл олишди. Лондон гранди учрашувнинг 19-дақиқасидаёқ гол ўтказиб юборди, аммо Нони Мадуэке ва Энцо Фернандеснинг аниқ зарбалари эвазига иродали ғалабага эришди.
“Биз учун осон бўлмади, кубок турнирининг гўзаллиги ҳам шунда. Биринчи марта майдонга тушган футболчилардан мамнунман.
"Уимблдон" каби рақибларга қарши ўйнаш ҳар доим қийин. Жамоа Иккинчи лигада ўйнайди, шунинг учун унинг биз билан ўйиндаги мотивацияси шунчаки жуда юқори бўлади", - дейди "Челси" устози.
