Римнинг «Лацио» клуби «Марсель» ярим ҳимоячиси Маттео Гендузи орқали таркибни кучайтиради, бу трансфер ҳақда римликлар клуби матбуот хизмати хабар берди.
Аввалроқ матбуотда Италия клуби ярим ҳимоячини мавсум охиригача ижарага олиши, кейинроқ 12 миллион евро эвазига сотиб олиши мумкинлиги ҳақида хабарлар тарқалган эди.
Провансликлар, шунингдек, беш миллионлик бонус тўловлари ва футболчининг кейинги сотувидан ўн фоизни олишлари мумкин.
Маттео «Марсел»да 2021 йилдан бери ўйнаб келмоқда. Ярим ҳимоячи ўтган мавсумда барча турнирларда 43 та ўйинда майдонга тушиб, 5 та гол ва 5 та голли узатмани амалга оширган. Transfermarkt уни 25 миллион еврога баҳолаган.
