"Лион" ярим ҳимоячиси Брэдли Баркола "ПСЖ"га ўтишга яқин турибди. Инсайдер Фабрицио Романонинг хабар беришича, франсиялик футболчи Парижга етиб келган ва тиббий кўрикдан ўтишга тайёр.
Эслатиб ўтамиз, аввалроқ Баркола Лондоннинг "Челси"си учун қизиқ бўлган, аммо ярим ҳимоячи учун курашда "Лион"нинг молиявий эҳтиёжларини қондира олган "ПСЖ" ғалаба қозонганди.
Баркола ўтган мавсум Франция чемпионатининг энг яхши ўйинчиларидан бири эди. Ярим ҳимоячи 5 та гол ва 9 та голли узатмани амалга оширди. Брэдлининг "ПСЖ"га трансфери суммаси 45 миллион еврони ташкил қилади, бироқ бонусларни ҳисобга олсак, нарх 50 миллионгача ошиши мумкин.
