Мадриднинг "Атлетико" клуби "Аш-Шабоб"га ўзининг қанот ҳужумчиси Янник Карраскони сотиб олиш муддатини белгилади. Журналист Фабрицио Романонинг сўзларига кўра, “матрасчилар” бельгияликнинг келажаги борасидаги вазиятни бугун ҳал қилмоқчи.

Аввалроқ, Карраско "Аш-Шабоб" билан шахсий шартнома шартларини келишиб олганди, аммо Саудия Арабистони жамоаси "Атлетико" билан товон пули борасида келишиб олиши керак. Шундан кейингина белтгиялик тиббий кўрикдан ўтиш учун рухсат олади.

Эслатиб ўтамиз, Карраско фаолиятининг дастлабки босқичида Хитойда пул ишлаш учун "Атлетико"ни тарк этганди.