"Ан-Наср" ҳужумчиси Криштиану Роналду миллий чемпионатлардаги голлари сони бўйича жаҳон рекордини янгилади.

«Аш-Шабаб» дарвозасига урилган 2 гол натижасида португалиялик футболчининг миллий чемпионатлар доирасида урган голлари сони 517 тага етди.

Роналдунинг миллий лигаларда урган голлари тақсимоти қуйидагича:

Португалия чемпионати («Спортинг») — 3;
АПЛ («Манчестер Юнайтед») — 103;
Ла лига («Реал Мадрид») — 311;
А серия («Ювентус») — 81;
Саудия Арабистони чемпионати («Ан-Наср») — 19.

Футбол тарихи ва статистикаси халқаро федерацияси (IFFHS) тарқатган хабарга кўра, Криштиану Йозеф Бицан ва Ференц Пушкаш (515 тадан гол)нинг натижасини яхшилашга муваффақ бўлди.

Ҳозирча мазкур 3 футболчи миллий лигалардаги голлари сонини 500дан оширган. Лионель Месси ҳисобида 496 та гол бор.