"Фулхэм" "Манчестер Юнайтед"дан Софьян Амрабатни тортиб олиши мумкин.
Инглиз клуби "Фиорентина"нинг таянч ярим ҳимоячиси трансфери устида ишламоқда. Жанлука Ди Марционинг сўзларига кўра, лондонликлар тахминан 30 миллион евро таклиф қилган.
Олдинроқ лондонликлар таркиби ярим ҳимоячи Жоау Палинья тарк этиши мумкинлиги маълум бўлганди - у "Бавария"га ўтмоқда.
Фабрицио Романонинг ёзишича, яқин соатларда "Манчестер Юнайтед" Амрабатнинг келишуви бўйича "Фиорентина" билан музокараларнинг янги босқичини ўтказади. Маълум бўлишича, италияликлар футболчини ижарага беришдан бош тортиб, уни сотишни афзал кўришган.
