Фабрицио Романонинг фикрича, Франкфуртнинг “Айнтрахт” клуби ҳужумчиси Рандал Коло-Муани “ПСЖ”га ўтади.
Манбага кўра, парижликлар 24 ёшли франциялик футболчининг трансфери бўйича келишиб олишган. "ПСЖ" дарҳол 75 миллион евро тўлайди ва яна 15 миллионни бонус сифатида тўлайди.
Футболчи билан 5 йиллик шартнома имзоланади. У келишувни якунлашдан олдин тиббий кўрикдан ўтган эди.
Коло-Муани ўтган ёздан бери "Айнтрахт"да тўп сурмоқда. Жорий мавсумда у жамоа сафида барча мусобақаларда 4 та ўйинда 3 та гол урди.
