Мадриднинг “Реал” клуби ярим ҳимоячиси Жуд Беллингем Ла Лиганинг 4-турида “Хетафе”га қарши ўйиндаги ғалаба голидан сўнг ўз таассуротлари ҳақида гапирди. “Қаймоқранглилар” ўз майдонида 2:1 ҳисобида иродали ғалабага эришди. Ҳал қилувчи гол ўйиннинг қўшиб берилган вақтида киритилди.
“Улар “Сантьяго Бернабеу”да менинг исмимни куйлашни бошлаганларида, оёқларим қалтираб кетди. Мухлислар нега мени бунчалик севишганини билмайман, лекин сизга сўз бераман, мен ҳар доим юз фоиз боримни бераман”, деди Беллингем журналистларга.
