Madridning “Real” klubi yarim himoyachisi Jud Bellingem La Liganing 4-turida “Xetafe”ga qarshi o‘yindagi g‘alaba golidan so‘ng o‘z taassurotlari haqida gapirdi. “Qaymoqranglilar” o‘z maydonida 2:1 hisobida irodali g‘alabaga erishdi. Hal qiluvchi gol o‘yinning qo‘shib berilgan vaqtida kiritildi.
“Ular “Santyago Bernabeu”da mening ismimni kuylashni boshlaganlarida, oyoqlarim qaltirab ketdi. Muxlislar nega meni bunchalik sevishganini bilmayman, lekin sizga so‘z beraman, men har doim yuz foiz borimni beraman”, dedi Bellingem jurnalistlarga.
