Хабарингиз бор, эртага Ўзбекистон Кубогининг 2012 йилги финалида "Бунёдкор" ва "Насаф" жамоалари ўзаро куч синашишади. Бугун, шунингдек, 2013 йил ОЧЛ мусобақаларида мамлакатимиздан нечта жамоа иштирок этиши ҳам маълум бўлди.

"Насаф" жамоаси учун эртага жуда маъсулиятли ўйин кутиб турибди. Жамоамиз учун фақат Кубокни қўлга киритсагина, 2013 йил ОЧЛ мусобақаларига иштирок этиши мумкин. Қолаверса, ўзингизга маълум сабабларга кўра, жамоамиз бу йил бошқа совринлардан қуруқ қолди.

Бугун ЎФФ анжуманлар залида ҳар иккала финалчи жамоаларнинг бош мураббийлари ва етакчи ўйинчилари иштирокидаги бўлиб ўтган матбуот анжуманидан ҳам энди хабарингиз бор.

Рўзиқул Бердиев мураббийлиги даврида биз футбол мухлислари асосий таркибда кутилмаган ўйинчиларни майдонга туширишини гувоҳи бўлганмиз. Ана шуни ҳисобга олиб, бугунги матбуот анжуманида Рўзиқул Бердиевга қуйидаги саволни бердик:
"Сизни энг масъулиятли ўйинларда биз кутмаган ўйинчиларни қўрқмасдан майдонга туширганингизни шоҳиди бўлганмиз, эртага ҳам шундай ҳолат бўлиши мумкинми?", — деган саволимизга, Р.Бердиев мана бундай жавоб бердилар:
"Албатта, бу ҳолат бўлиши мумкин, вазиятга қараб иш тутамиз", — деб жавоб қайтарди. Қани кўрамиз, ҳар ҳолда эртага у киши томонидан "сюрприз"га гувоҳ бўлишимизга шубҳа қилмасак ҳам бўлади. Булар кимлар бўлишини биз фақат эртага кўришимиз мумкин бўлади,

"Бунёдкор" жамоаси учун эртага унчалик масъулият йўқ, чунки улар барибир ОЧЛда иштирок этадиган бўлишди. Улар сафарда ҳам, корейсу Австралия жамоаларини қандай доғда қолдиргани бу йил кўрдик.

Хуллас, эртага ФИНАЛ - жуда қизиқ учрашув "Пахтакор" Марказий стадионида мухлисларга интизор.