"Интер Майами"нинг асосий юлдузи Лионель Месси "Лос-Анжелес"га қарши ўйиндан сўнг матбуотга ўз фикрларини билдириб ўтди. Флорида жамоаси 3:1 ҳисобида ғалаба қозонди. Лео иккита голли узатмага эга.
“Жамоа ҳар бир ўйинда кучайиб бормоқда. Биз аллақачон Лига кубогини ютиб олдик ва энди кучли 8таликка киришни мақсад қилганмиз. Бу бизнинг кейинги мақсадимиз. Биз ўсишда давом этамиз. Охирги ғалаба бизга катта ишонч бағишлади”, - деди Месси.
“Интер Майами” Шарқий конференсия турнир жадвалида 14-ўринда бормоқда. Жамоа плей-офф зонасидан саккиз очко ортда қолмоқда.
