38 ёшли португалиялик ҳужумчи Криштиану Роналду ҳақиқат детектори текширувидан ўтди. Текширув давомида ҳужумчидан Чемпионлар лигасидаги бешта ғалабани жаҳон чемпионати олтин медальига алмаштириши сўралган.
Бу саволга Роналду: "Йўқ" деб жавоб берди. Детектор ҳужумчи ҳақиқатни гапираётганини кўрсатди.
2023 йилнинг январьидан буён Криштиану Саудия Арабистони чемпионатида "Ан-Наср" клубида ўйнамоқда. Португалиялик футболчи жорий мавсумда 4 та ўйин ўтказиб, 6 та гол ва 4 та голли узатмани амалга оширди.
