"Лестер"нинг собиқ ярим ҳимоячиси Нампали Менди "Ланс"га ўтди. Бу ҳақда Франция клуби матбуот хизмати хабар берди.
31 ёшли сенегаллик ярим ҳимоячи "Ланс" билан икки йиллик шартнома имзолади.
Менди ўтган ёзда "Лестер"ни текинга тарк этганди. Футболчи ушбу клубда 2016 йилдан буён ўйнаб келаётганди.
ОАВ маълумотларига кўра, Европадаги трансфер ойнасининг сўнгги кунида Менди "Фулхэм"га ўтишга яқин турган, бироқ трансфер амалга ошмаган.
Ўтган мавсумда ярим ҳимоячи барча турнирларни ҳисобга олган ҳолда 24та ўйинда қатнашиб, битта гол урди ва битта голли узатмани амалга оширди.
Transfermarkt портали Мендини 2,5 миллион еврога баҳолаган.
