Ҳужумчи Стеван Йоветич "Олимпиакос" билан шартнома имзолади.
Греция гранди 33 ёшли футболчини янги трансфер сифатида расман таништирди. Черногориялик форвард "Олимпиакос" сафига эркин агент сифатида қўшилди.
Стеван Йоветичнинг аввалги клуби "Герта Берлин" бўлиб, ҳужумчи икки йил давомида жамоа шарафини ҳимоя қилган. Аввалроқ футболчи “Монако”, “Интер”, “Севилья”, “Манчестер Сити”, “Фиорентина” ва “Партизан” клубларида тўп тепган.
Ўтган мавсумда Йоветич Германия Бундеслигасида 17 та ўйинда майдонга тушиб, “Герта” сафида икки марта гол урди ва 4 бор ассистентлик қилди.
