"Манчестер Юнайтед" ҳужумчиси Жэйдон Санчо ФИФА кунлари вақтида бош мураббий Эрик тен Хаг билан улар ўртасида юзага келган зиддиятни бартараф этиш мақсадида музокаралар олиб боради. Бу ҳақда журналист Крис Уилер ижтимоий тармоқларда хабар бермоқда.
Эслатиб ўтамиз, Санчо "Манчестер Юнайтед" Лондоннинг "Арсенал" клубига сафарда мағлуб бўлган АПЛнинг сўнгги тури учун қайдномага киритилмаган эди. Тен Хаг англияликни яхши машғулот ўтказмагани учун таркибга киритмаганини таъкидлади. Санчо, ўз навбатида, Эрикга ижтимоий тармоқ орқали жавоб бериб, мураббийни ёлғончиликда айблади.
Санчо трансфер ойнасининг сўнгги кунларида "Челси"га ўтиши мумкин эди, аммо Лондон клуби Жэйдонни таклиф қилиш ғоясидан воз кечишга қарор қилди.
