Афғонистон U-23 бош мураббийи эртанги баҳс олдидан ўз фикрларини билдирди. Улар эртага Ўзбекистон U-23 жамоасига қарши майдонга чиқади. 

«Биз Ўзбекистонга жамоани йиғишда бироз муаммоларга учрадик. Чунки жуда ҳам кам вақт бор эди. Шунга қарамай энг яхши таркибни олиб келдик. Тайёргарлик яхши бўлди. Гуруҳимизда энг яхши жамоалар йиғилган. Бу футболчиларнинг ўсишига ёрдам беради. Ўзбекистон ва Эрон турли тактикаларда ўйнай олади. Ўйлайманки, бу барча футболчилар учун катта мактаб бўлади.

Гуруҳда ҳамманинг кучли томонлари бор. Яққол фаворит йўқ. Кимда яхши тайёргарлик бўлса, ўша фаворитдир. Мураббийнинг кўрсатмаларига ким яхши амал қилса, ўша жамоа кейинги босқичда ўйнайди», – деди мураббий.