Уругвай терма жамоаси бош мураббийи Марсело Бьелса Луис Суарес ва Эдинсон Каванини терма жамоага чақирмасликка қарор қилди.
Терма жамоага жами 25 нафар футболчи чақирилган.
Дарвозабонлар: Серхио Рочет («Интернасьонал»), Франко Исраэль («Спортинг») ва Сантьяго Меле («Хуниор Барранкилья»).
Ҳимоячилар: Сантьяго Буэно («Вулвергемптон»), Бруно Мендес («Коринтианс»), Себастьян Касерес («Америка де Мексика»), Хосе Родригес Бебанс («Васку да Гама»), Матиас Оливера («Наполи»), Хоакин Пикерес («Палмейрас»), Матиас Винья («Сассуоло») ва Лукас Оласа («Краснодар»).
Ярим ҳимоячилар: Федерико Вальверде («Реал»), Наитан Нандес («Кальяри»), Фелипе Карбальо («Грэмио»), Эмилиано Мартинес («Митьюлланд»), Мануэль Угарте («Пари Сен-Жермен») ва Николас де ла Крус («Ривер Плейт»).
Ҳужумчилар: Агустин Каноббио («Атлетико Паранаенсе»), Максимилиано Араухо («Толука»), Факундо Торрес («Орландо Сити»), Брайан Родригес («Америка де Мексика»), Факундо Пельистри («Манчестер Юнайтед»), Кристиан Оливера (ЛАФК), Макси Гомес («Кадис»), Дарвин Нуньес («Ливерпуль»).
36 ёшли Суарес ҳозирда "Гремио"да ўйнамоқда. Уругвай терма жамоаси сафида 137та ўйинда 68та гол урган ва 39та голга ассистентлик қилган.
36 ёшли Кавани "Бока Хуниорс"да ўйнайди. Уругвай терма жамоаси сафида у 136 учрашувда майдонга тушиб, 58 гол урди ва 17 голга ассистентлик қилди.
ЖЧ-2026 саралашида Уругвай 9 сентябрь куни Чили, 13 сентябрь куни Эквадор терма жамоаси билан куч синашади. Бу саралаш босқичининг дастлабки ўйинлари бўлади.
