Ҳужумчи Эван Фергюсон сентябрь ойидаги Евро-2024 саралашида Ирландия Республикасига ёрдам бермайди. «Брайтон» футболчиси «Нюкасл»га қарши АПЛнинг сўнгги ўйинида жароҳат олганди.
Ирландия Республикаси терма жамоаси 7 сентябрь куни меҳмонда Францияга қарши майдонга тушса, 10 сентябрь куни Голландияни қабул қилади. 18 ёшли Фергюсоннинг йўқолиши «яшил армия» учун катта зарба бўлди.
Европа чемпионати – 2024 йилги саралашнинг аввалги учта ўйинида Ирландия терма жамоаси уч очкони қўлга кирита олганди.
Қўшимча қиламизки, Эван Фергюсон Ирландия терма жамоаси таркибида олтита ўйин ўтказиб, иккита гол урган.
