Бельгиялик 35 ёшли ярим ҳимоячи, аввалроқ “Манчестер Юнайтед” ва Бельгия терма жамоасида ўйнаган Маруан Феллайни беш йиллик фаолиятидан сўнг Хитой чемпионати вакили “Шандун Луненг”дан кетишга қарор қилди.
Бу ҳақда ноябрь ойида 36 ёшга тўладиган Феллайни ижтимоий тармоқларда ёзган. У бундан кейин нима қилмоқчилиги ҳозирча номаълум. "Шандун"да Феллайни 2021 йилда мамлакат чемпиони бўлишга муваффақ бўлди, шунингдек, уч марта Хитой кубогини қўлга киритди.
Умуман олганда, у клуб учун 131 та ўйин ўтказиб, 46 та гол урган - ярим ҳимоячи учун ёмон эмас. Бельгиялик футболчи хайрлашув нутқида клуб ва лига раҳбариятига ҳамда мухлисларга миннатдорчилик билдирди.