«Ньюкасл» ҳимоячиси ва сардори Жамол Ласселс клубни тарк этиши мумкин.
Журналист Экрем Кўнур хабарига кўра, 29 ёшли футболчи Саудиянинг «Аш-Шабоб» жамоаси нишонига айланган.
Саудия Арабистонида трансфер ойнаси 7 сентябрь, пайшанба куни ёпилади.
29 август куни Ласселс Ньюкасл-апон-Тайн шаҳар марказидаги кўчада ҳужумга учрагани ва уни отиб ташлаш билан таҳдид қилишгани ҳақида хабар берилган эди.
Ҳимоячи 2014 йилдан бери «Ньюкасл»да ўйнаб келмоқда. Бу вақт ичида у 225 та ўйин ўтказиб, 14 та гол урди ва 4 та голли узатмани амалга оширди. Унинг шартномаси 2024 йилнинг ёзига қадар мўлжалланган.
