"Челси"нинг собиқ ҳимоячиси Франк Лебёф нима учун унинг собиқ жамоаси Италиянинг "Фиорентина"сидан "Манчестер Юнайтед"га ўтган таянч ярим ҳимоячи Софьян Амрабат билан шартнома имзоламаганини тушунмаяпти.
"Амрабатнинг "Манчестер Юнайтед"га ўтганини эшитиб, "Челси" ярим ҳимояни чинакамига яхшилай оладиган тажрибали ўйинчиларга нега эътибор бермади, деб ўйладим. Нега улар бу футболчини эътиборга олишмади? Софьян Энцо Фернандес учун мукаммал шерик бўларди. Ҳа, "Челси" Мойсес Кайседо билан шартнома имзолади, аммо унинг нархи 100 миллион евродан ошди. Амрабат ижарадан кейин 30 миллионга сотиб олиниши мумкин эди”, - дея Лебёф сўзларини келтиради Football Tweet.
