"Chelsi"ning sobiq himoyachisi Frank Lebyof nima uchun uning sobiq jamoasi Italiyaning "Fiorentina"sidan "Manchester Yunayted"ga o‘tgan tayanch yarim himoyachi Sofyan Amrabat bilan shartnoma imzolamaganini tushunmayapti.
"Amrabatning "Manchester Yunayted"ga o‘tganini eshitib, "Chelsi" yarim himoyani chinakamiga yaxshilay oladigan tajribali o‘yinchilarga nega e’tibor bermadi, deb o‘yladim. Nega ular bu futbolchini e’tiborga olishmadi? Sofyan Enso Fernandes uchun mukammal sherik bo‘lardi. Ha, "Chelsi" Moyses Kaysedo bilan shartnoma imzoladi, ammo uning narxi 100 million yevrodan oshdi. Amrabat ijaradan keyin 30 millionga sotib olinishi mumkin edi”, - deya Lebyof so‘zlarini keltiradi Football Tweet.