"Манчестер Юнайтед" ўзининг расмий сайтида вингер Антонига уйдаги зўравонлик ҳақидаги айбловлар муносабати билан баёнот берди.
"Манчестер Юнайтед" Антонига қўйилган айбловларни тасдиқлади ва полиция тергов олиб бораётганини айтди. Қўшимча маълумот кутилмагунча, клуб энди изоҳ бермайди.
"Биз ушбу даъволар ва кейинги ҳисоботларнинг оиладаги зўравонликдан жабрланганларга таъсирини ҳисобга олиб, бу масалани жиддий қабул қиламиз", деди манкунианликлар баёнотида.
4 сентябрь куни Антонининг собиқ севгилиси Габриэлла Каваллин уни калтаклаганини ва ўлдириш билан таҳдид қилганини айтди. Шунингдек, у 23 ёшли футболчи 2022 йилнинг июнидан 2023 йилнинг майига қадар унга бир неча бор ҳужум қилганини айтди.
5 сентябр куни Антони Бразилия терма жамоасидан четлатилгани маълум бўлди.