"Манчестер Сити"нинг собиқ ярим ҳимоячиси Давид Сильва "шаҳарликлар" сафида ўйнаган кунларини соғинишини тан олди.
Эслатиб ўтамиз, испаниялик футболчи яқинда профессионал фаолиятини якунлади. 2020 йилдан бери ярим ҳимоячи "Реал Сосьедад"да ўйнаб келаётганди.
"Мен "Манчестер Сити"ни соғинаман. Умримнинг 10 йилини шу клубда ўтказишга муваффақ бўлдим, ширин хотираларим кўп. Ўтган мавсумда "Реал Сосьедад" билан "Манчестер Юнайтед"ни 1:0 ҳисобида мағлуб этганимизда мен шаҳарга қайтдим. Келажакда яна Манчестерга қайтишни истардим, лекин бу сафар оилам билан. Балки бу келаси йили содир бўлар", - деди Сильва журналист Давид Макдонелл билан суҳбатда.
