"Барселона"нинг чап қанот ҳимоячиси Алехандро Бальде ҳужумчи Усмон Дембеленинг "ПСЖ"га кетиши ҳақида гапирди.
Эслатиб ўтамиз, франциялик футболчи янги жамоасига 50 миллион еврога тушди, бу "Барселона" билан шартномада товон пули сифатида кўрсатилган эди.
"Усмон "Барселона" учун жуда муҳим футболчи эди, у жамоанинг ҳужумкор ўйинига катта ҳисса қўшган. Лекин футболда кимдир кетади, бошқалари келади" - деди Бальде журналист Жорди Хил билан суҳбатда.
Эслатиб ўтамиз, Дембеле Килиан Мбаппедан кейин йилига 30 миллион евродан ортиқ маош оладиган "ПСЖ"нинг энг кўп маош олувчи футболчисига айланди. Усмон аввалроқ "ПСЖ"га пул учун ўтмаганини айтганди.
