"Ювентус" 4 нафар футболчиси билан шартномани узайтириш бўйича музокараларни бошлашга тайёр.
Ушбу рўйхатга дарвозабон Войцех Шесни, ҳимоячи Федерико Гатти, ярим ҳимоячи Адриен Рабьо ва вингер Федерико Кьеза киритилган. La Gazzetta dello Sport нашрининг ёзишича, "кекса синьора" ушбу футболчилар билан шартномаларни узайтирмоқчи.
Қайд этилишича, Рабьо "Ювентус" учун устувор вазифа, чунки унинг шартномаси келаси йилнинг июнь ойида тугайди.
А Сериянинг учта бошланғич турида "Ювентус" етти очко тўплади. Жамоа турнир жадвалида учинчи ўринни эгаллаб турибди.
