"Манчестер Юнайтед" ярим ҳимоячиси Софьян Амрабат ўтмишда Эрик тен Хаг билан ишлашдан қандай фойда кўрганини айтди.

Марокашлик футболчи 2015-2017 йиллар оралиғида, у фаолиятини эндигина бошлаётган пайтда Нидерландиянинг "Утрехт" жамоасида тен Хаг билан ишлаган.

“Мен эндигина 18-19 ёшда эдим, шунинг учун менга ишонч керак эди. У менга "Утрехт"нинг асосий жамоасида имконият берди. Биз мавсумни яхши ўтказдик, бу фойдали тажриба эди, шунинг учун тен Хаг, эҳтимол, менинг фаолиятимдаги энг муҳим одамлардан бири деб ҳисобланиши мумкин. Ўйлайманки, биз иккаламиз ҳам ғалабаларга иштиёқмандмиз", - дея 27 ёшли ярим ҳимоячининг сўзларини келтиради Goal.

Эслатиб ўтамиз, "Манчестер Юнайтед" Софьян Амрабатни "Фиорентина"дан сотиб олиш имконияти билан ижарага олган эди.