"Барселона" бош мураббийи Хави Эрнандес марказий ҳимоячи Рональд Араухонни янги позицияда ўйнатиш ғояси ҳақида гапирди.
Ўтган мавсумда уругвайлик футболчи вақти-вақти билан ҳимоянинг ўнг қанотида пайдо бўлди - айниқса, бу "Реал"га қарши ўйинларда кўпроқ содир бўлди. Тажриба бир неча бор муваффақиятли деб тан олинган.
“Бу ғоя бизнинг техник ходимларимиздан, айниқса, акам Оскардан чиқди. У Араухонни ўнг қанот ҳимоясида синаб кўришни таклиф қилди, чунки у яккама-якка ҳолатларда жуда яхши ҳимояланади. Мен буни мантиқан тўғри қарор деб ҳисобладим", - деди Хави.
