"Севилья" марказий ҳимоячиси Серхио Рамос яна "Сантьяго Бернабеу"да ўйнашни интиқлик билан кутмоқда.
Куни кеча 37 ёшли футболчи фаолиятини бошлаган “Севилья”га қайтди. Испаниялик футболчига Саудия Арабистони ва Туркиядан таклифлар бўлган, аммо музокаралар ҳеч қачон самара бермаган.
“Ҳамма биладики, менинг юрагим икки клубга тегишли – “Севилья” ва “Реал”. Умид қиламанки, "Бернабеу"га қайтганимда, "Реал" мухлислари ҳам мени уларга бўлган муҳаббатим билан кутиб олишади", - дея Рамос сўзларини келтиради Madrid Xtra.
"Реал Мадрид"нинг Ла Лига доирасида "Севилья"га қарши ўйини келаси йилнинг февраль ойи охирида бўлиб ўтади.
