«ПСЖ»нинг янги футболчиси Рандаль Коло-Муани парижликлар бош мураббийи Луис Энрике ҳақида гапирди.
«Менга мураббийнинг янги жамоа билан ишлаётгани ва лойиҳаси ёқади. Энди ишга киришиш вақти келди», - дея Коло-Муанининг сўзларидан иқтибос келтиради RMC Sport.
Коло-Муани 2022 йилда «Нант»дан «Айнтрахт»га кўчиб ўтганди. Ўшандан бери у барча мусобақаларда 50 та ўйинда майдонга тушиб, 26 та гол урди ва 17 та голли узатмани амалга оширди.
Шунингдек, у Франция терма жамоаси аъзосига айланди ва бу жамоада 2022 йилнинг 22 сентябрида дебют қилди.
