Нидерландия терма жамоаси бош мураббийи Рональд Куман "Реал Мадрид" кўпинча ҳакамлар томонидан қўллаб-қувватланиши ҳақида фикр билдирди. Мутахассис бунга "Барселона"ни бошқарганида ҳам амин бўлган.

"Барселона"ни бошқарганимда "Реал" ҳакамлар томонидан қўллаб-қувватланаётганини ҳис қилдим. Нима бўлганда ҳам буни исботлаб бўлмайди, шунинг учун ҳеч нарса демаган маъқул", - деди Куман Barca Universal билан суҳбатда.

Эслатиб ўтамиз, Куман 2020 йилдан 2021 йилгача "Барселона"ни бошқарган. Қатардаги жаҳон чемпионатидан сўнг нидерландиялик мутахассис Луи ван Гални ўрнини эгаллаб, мамлакат терма жамоаси бош мураббийига айланганди.