"Реал" ярим ҳимоячиси Лука Модрич "Қироллик клуби" унга шартномани узайтириш учун мурожаат қилганини айтди. Эслатиб ўтамиз, хорватиялик футболчининг амалдаги шартномаси мавсум охирида якунига етади.
"Реал Мадрид" баҳорда мен билан шартномани узайтирмоқчи эканликларини маълум қилди, менда ҳам худди шундай истак бор эди. Биз музокаралар столига ўтириб, тезда бир қарорга келдик. 12 йил давомида менинг клубим билан барча музокаралар худди шундай тарзда кечди. Бизда ғайриоддий муносабатлар бор", - деди Модрич SN билан суҳбатда.
Модрич аввалроқ Англия Премьер-лигасида “Тоттенхэм” сафида ўйнаган. "Реал Мадрид" таркибида хорватиялик ярим ҳимоячи барча мумкин бўлган совринларни қўлга киритди, жумладан, 5 та Чемпионлар Лигаси ғолиблигини ҳам.
