"Ньюкасл"нинг собиқ дарвозабони Стив Харпер 48 ёшида субаракноид қон кетишидан азият чекди, деб хабар бермоқда клуб матбуот хизмати.
Воқеадан сўнг собиқ дарвозабон касалхонада ётибди, клуб реабилитация даврида уни ҳар томонлама қўллаб-қувватлашини таъкидламоқда.
Эслатиб ўтамиз, англиялик собиқ футболчи фаолиятининг 20 йили - 1993 йилдан 2013 йилгача "Ньюкасл" футболчиси бўлган. 2013 йилдан 2015 йилгача у "Халл Сити"га ўтди ва 2016 йилда "Сандерленд" футболчиси сифатида фаолиятини якунлади.
"Ньюкасл" билан Харпер 1999 йилда Англия кубоги финалига чиқди ва 2010 йилда чемпионшипда чемпионлик қўлга киритди.
